صديت منك زود حشمة وتوقير
وانت تحسب صدي من مواجهك خوف
واللي على ربعة مثل سالم الزير
تبطش بة الاجناب وعيونة تشوف
واللي حصل ماعاد يحتاج تفسير
لو قلت بأن اللي حداكم لة ضروف
ماكل من يكفخ بجنحانة يطير
ولا كل راعي مجلس يقلط ضيوف
ولا كل شيٍ لا بغيتوة بيصير
ولا كل غلطة عقب ذالغلطة اطوف
والشك زايل دامني عايش بخير
وأداحم بمتنى طوابير وصفوف
وانا ولد شافي زبون المخاسير
كفة بحر من مدها مدت كفوف
نقطع على شان المعزة مشاوير
كن ربي مسخر لنا جيش مردوف
ولا نبطش إلا عقب كثر المحاذير
نروي من عدانا ضما حدب السيوف
اللة خلقنا نسخر الصعب تسخير
واللة خلقنا رحمة لكل ملهوف
والحق والتاريخ مافية تزوير
لو ينكرة جاحد وحاقد ومضيوف
يقولها اللي فسر القاف تفسير
شاعر ولد شاعر مردد ومعروف

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر