الجنا..

يا "غلاي" الوصل بغصوني نضج
أسألك بالله ما حان الجنا

اقطفي منّه بلا خوف وْ حرج
قبل يتساقط ويتلف مننّا

دانية اغصان قلبي والمهج
اقطفيها عشق ووصال وهنا

في عروقي الدمّ يتوهج وهج
كل عرق يقول ذا يوم المُنى

صارت الاشواق في حالة هرج
كل شوق يصيح بك "نَحْنُ هُنا"

حتى نبض القلب يرقص مبتهج
والحنايا تنحي لك يا (...)!

صرت..احس القلب من صدري خرج
لا شعرت بموعد اللقيا دنا

ما يهم ان كنت منك منزعج
دام لا جيتي هنا.. راح العنا

ما بقى لك يا "الغلا" عذر وحجج
ما بقى للصبر بعيوني سنا

اقطفي حبي بلا خوف و حرج
ثم ذوقيني..هنيا لك انا

لا متى والوصل بغصوني نضج
اسألك بالله ما حان الجنا