انا اخايل القمرا لو الوقت ماهو عبور
اجاذب لذكرا ً قبل عامين خابرها
مع ارجال ٍ تروم العلا ماتعرف الزور
اتسايرني .. بكسب المعالي .. واسايرها
على العز جمعتنا وكل طيب ٍ مذكور
رياجيل ما ادس الردا في ضمايرها
وليا من قنصنا في شياهين .. ولا .. طيور
نبا الهارب اللي فاضحتها جرايرها
وقمنا نقَطّع للاثر لين جينا الخور
ودكت وقامت ترتقبنا نواظرها
وطارت وانا من فوق كفي عريضة زور
من اقطع شياهين الكويت ونوادرها
رقت واعتلت من فوقها ثم جوك حدور
وقامت على جيبات ربعي تصخرها
وعقب الطرد فج النحر مخلب ٍ مخطور
وطاحت قوامن تقل بالموس ناحرها
وجتها تخوض امن الظفر ماتبا للشور
ولو انها اتكوبر ماهابت اتكوبرها
وانا ما اسمع اللي بالشياهين ماله دور
ليا قام في بعض الكلام ايتحاقرها
ابعلمه وافهمه قبل شق النور
دام ان طيره اللي معه ماهوب ذاعرها
ليا قام يرفعها وعينه على النسور
وراحت تجلد بالسما من يحدرها
يبا يلتفت ليه لو ان الصدر محشور
هكا الساعه اللي كل خرشا ايتذكرها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.