للطيب وقفاتٍ وللشعر ميقاف - فهد شملان العفاسي

للطيب وقفاتٍ وللشعر ميقاف
وطيب الرجال أمورثٍ عن سلفها

هاك الحرار اللي على مشراف
هداتها كلٍ يا هادي عرفها

والطيب بين الناس يروى وينشاف
لوحة شرف كلٍ حكى عن شرفها

وأنا ما خالف في قصيدي للأعراف
ولا ضيّع الرميه ولا أخطى هدفها

وحقٍ عليّه مدحت الناس الأشراف
اللي خسايرها على الله خلفها

امن الكرم تنفق على حد الاسراف
حتى اغتنت ناسٍ سبايب وقفها

واليوم أبغنّي على كل محراف
للي مواقف النشاما وقفها

أبو سعود اليا غدا كل عرّاف
يمناه من سبع البحور ايغرفها

حاز المراجل في يدينه بالانصاف
حداهن لربعه والأخرى نصفها

ما توفي أفعوله قصيدة ولا قاف
ولا عذربته أهل السخف من سخفها

تشهد له العربان مع حم الأشعاف
وتشهد له أنفوسٍ تزايد كلفها

وكم واحدٍ صابه من الوقت خفخاف
وعنّز عليه وقال فِرْجَتْك شِفها

يستاهل القيفان لا جاته ارداف
من شاعرٍ جزل المعاني صرفها

© 2024 - موقع الشعر