هلا بمنوة القلب والروح - همسة عنا

أهلّي بكْ يامِنوة القلب والرّوح ...
 
والعين والروح ، يرحّبون بكْ ولكْ يغنّون ...
 
هلا بكْ ، وبهلِّتكْ يالغالي ، ملايين فوق المليون ...
 
هلا بمن طِرت مَعه ، بسماء الفرح لجل الكون لي يهنون ...
 
ونعلّم كِل الغيوم تنجلي ، ويهل منها عذب المزون ...
 
هلا بكْ بعدد نبض الخافق ، إللي بشوفتكْ زاد بجنون ...
 
***
 
... هلا بكْ ياقرّة العين ...
 
يامن تِحَرّيتَه ، بِعَدْ الثّواني كنّهم اسنين عيّو يركضون ...
 
وإللي بنوركْ تكحّلت عيني ، وبشوفتكْ يبصرون ...
 
وبحضورك زاَح الهَم والعناء ، وبلذّة النّوم بتهنا الجفون ...
 
وطَلِّتَكْ كِنّها شروق الشمس ، بيومٍ جديدٍ على هالكون ...
 
يامن تحدّيت البدر بنوره ، إللي يجبر الشّعار بضيه يخُطّون ...
 
***
 
... وهلا بللي من أقبل ...
 
هب عجاج ريح الطيب ، بدهن العود ، وريح الدّخون ...
 
إللي أبهرتني بسمته وضحكته ، بذاك اللؤلؤ المكنون ...
 
وأنفاسه تزفِر ريح الكادي ، كِنّه منبعَه بجوفه مدفون ...
 
وبنظرة عيونه الأمل ، لأيّامي ، بالخير يستبشرون ...
 
***
 
... تدري عاد كِل ذا بحقكْ ...
 
لا يسد ، ولا بِحقكْ يالغالي يوفون ...
 
الود ودّي ، عيون غيري لكْ ما يشوفون ...
 
وأدعي ربّي دوم ، يحفظكْ لي ويحرصكْ من كل العيون ...
 
ومِن كلِّ حاسدٍ ، ومِن كلِّ من بغى ، لكْ يكيدون ...
 
وأرقيكْ بآيات الله ، بقلبي ذا الحنون ...
 
***
 
... إيه أدري والله أدري ...
 
بدون القسم والحلفان منكْ يجون ...
 
إنتْ لي أنا وحدي ...
 
ولو بين الحور مرتمي ، ولكْ يتمنّون ...
 
وإن قلبكْ وإحساسكْ لي أنا ، ولي أنا يخضعون ...
 
***
 
... تبي العلْم الصحيح ...
 
فديتكْ بعمري ، ويرخص لك كل غالي ، ولجلكْ الدّنيا تهون ...
 
ووش تبي آمر ، على ذا الخشم وعلى ذي العيون ...
 
.. بس هالله هالله ..
 
إحذر من لنا حاقد ، ومين من حبّنا مغبون ...
 
وخلّي إيدك بيدي لنحقّق المنى ...
 
ونطرد كلَّ وسواس شيطان ملعون ...
 
ونعلّم الخلق والبشر كيف الحب بالوفاء يكون ...
 
ونقيّد قصة حبّنا بكتاب العاشقين ...
 
إللي بهاك الزمن له يخبرون ...
 
قصة حب إثنين ، في هذا الزمن حبهم مجنون ...
 
ونرسم مشاعرنا في صورةٍ خالده ...
 
لجل الخلق منها يعتبرون ...
 
و بها الطّيور ، ابجميع ألحان الحب يغرّدون ...
 
وبها كواكب السّماء تبرق ، بفرحة لقانا يباركون ...
 
وعهد منك ، حتى عيونك لي ما تخون ...
 
وبحياتك غيري أبد أبد ما يكون .
© 2024 - موقع الشعر