قررت أخوض التجربه - بادي البادي

من منطلق حرصي على ثروات شعبي والبلاد
قررت اخوض التجربة واعلن نزولي للجميع

اوعدكم اني اجتهد واقضي على كل الفساد
واسقط جميع ديونكم والمركزي لازم يطيع

واجنّس اللي يستحق.. وانعش ظروف الاقتصاد
وكل مواطن له سكن إن كان شايب أو رضيع

واسعى بجهدي جاهدن للي ورا بيته ارتداد
يبني ويزرع ساحته ويصير منظرها بديع

وعندي مشاريعٍ كثر لصالح اخواني العباد
بس اوصلوني يالربع آباتمتّع بالربيع

أول سنة لا ترتجون الزرع يظهر بَهْ حصاد
خلوني احصن موقعي بين الصحافة والمذيع

ثاني سنة بعد اذنكم مضطر انا للابتعاد
كل يوم في ديرة وكل ديرة بها مشرا ومبيع

ثالث سنة مليت أنا وازعاجكم بالحيل زاد
اباعتذر وسط الصحف واعلن على الخط السريع

رابع سنة بارجع لكم حامل معي افكارٍ جداد
اللي يصدق يا هلا واللي زعل بابي وسيع

هذي تراها أوضاعنا ندري وناخذها عناد
ياللي تخيل بروقها لا ترتجي منها الربيع

فلان ينجح أو سقط وفلان ينقص والا زاد
عبدالسميع اخو حسن.. اخو حسن عبدالسميع

© 2024 - موقع الشعر