الطيب بيّن والمراجل صقارة

مشكور يادكتور سويت معروف
انت الذي عديت فيني الاشاره

وانا بديت امشي على الدرب واطوف
من لا يقدر لامشى في مساره

جعلك بعد من غرهم عزف ودفوف
اللي لهم في كل مسرح ستاره

وحطيت كفي بكف يسوى له اكفوف
وفعل يمينه ما تشوفه يساره

ياكثر ما خرّج على الساحه اصفوف
احدٍ نجح واحدٍ سقط باختباره

ابو حمد له فعل بيّّن ومكشوف
وفي كل طاري طيب لاسمه مناره

وعلى ذكر طيب وفي الطيب معروف
يطرى حسن بيت القصيد وفناره

جمايله واجد وكلماته اسيوف
لا قال طال ولا رجع في قراره

ويطري على زايد وقيفاني اوقوف
تقدير له واجلال باصدق عباره

زايد ومهما سال من حبري احروف
ما حاط به مهما كتب عن وقاره

هذا وانا ما نيب جحاد معروف
والطيب بيّن والمراجل صقاره

والطيب اللي له مثل طيب معيوف
ربحه تجاره ومن يخسره خساره

وما عاد يا دكتور معيوف به خوف
من يوم ما عديت فيني الاشاره