أقوى من البيرة

العام قلبي معذّبني يبى الدّيرة
واليوم ما يعشق الديرة ولاهمّه

قلبي ما غيرأشغله عقلي بتفكيره
وأنا ضحيّة ثنينٍ مالهم ذمة

خلوني أقعد وراحوا يالله الخيرة
مع بنت شيخٍ يصرّ العلم في كمه

بنتٍ صغيرة وعندي ماهي صغيرة
أشوفهاعندي أروع بنت في الأمة

لو شافهااللي مايعرف للهوى سيرة
يلزم شعر رأسه ويخطيه ويخمّه

من زينها خلّت العقّال في حيرة
أطيب ولد عمّ يحْسدها ولد عمه

الزين ما يستطيع العقل تصويره
بس الأكيد إنّهاترقص على القمّة

أخذ عليهاالقمر لفة وتدويرة
قالت وش المشكلة قال أنتي مهمة

والشمس قدّام تغرب جاتهامغيرة
وفلّت شعرهاالطويل وقامت تلمّه

والوردالأحمر بهيج اللون ماغيره
من حينما شمّته والشمةالشمة

راح يتثنى على بعضه من الغيرة
وعلى شفاها تكسّر وانتثر دمه

وترياقهاللمزاج أقوى من البيرة
رشفة منه تِنْسِي الواحد حليب أمه

والباقي من الوصايف تمّ تشفيره
لو أتمادى شويّة جيت بمطمة

الحبّ أباأموت وأناأدفع فواتيره
ماهو برايح وباقي شي في الذمة