أرض الكويت اللي عليها صعدنا - عبدالعزيز السعود الصباح

يا الله يا من هو عليه اعتمدنا
يا منتهى كل النفوس ابرجاها

ندعوك ثم نرجوك تاخذ بيدنا
وتجيرنا في دارنا من اعداها

انت الذي ما غير فضلك حمدنا
بالجود نشكر نعمتك ما عداها

وانت الكريم ولا لغيرك عبدنا
يا باسطٍ ارضك ورافع سماها

انك تساعدنا ومنك مددنا
وبجاه من ارسى لنا الدين طه

حنّا بنعمه من رآها حسدنا
ما اقول تمّت واكملت منتهاها

الشكر لله من عطاياه مدنا
وبلادنا من جود فضله حباها

راضين واللي قبلنا وبعدنا
ما نشتكي من صيفها وشتاها

بالصيف يا محلى حرارة بلدنا
ونقول في برد الشتا.. يا دفاها

واقول عنها لو زعل من جحدنا
بالصيف حلوه والشتا.. يا حلاها

مهما غربنا.. عليها مردنا
من راح منها لو بعد حين جاها

فيها تربينا وفيها ولدنا
هي امنا اللي ما نسينا رباها

اللي رضعنا درها في مهدنا
الله على من خانها ونساها

تكفون يا من في وفاكم شهدنا
يا من على عسر الليالي حماها

انخى النشامى اهلها من عهدنا
فيهم من النخوه عظايم صداها

اذا تكاتفنا سوا.. واتحدنا
صرنا لها قوة على من نواها

من ضمنا.. من لمنا.. من سندنا؟
من هو لنا من غيرها من سواها؟

وان صار فيها عيبنا في جسدنا
عزي لنا يالابتي ذا بلاها

لا تسمحون لمن نوى الشر ضدنا
ذي علةٍ لازم انحضّر دواها

نقضي عليه ونقطعه لو عضدنا
ايدٍ اتسمم جسمنا ذا جزاها

لا عاش من لا يشترك في جهدنا
ناقف جميع ونجتهد في بناها

ارض الكويت اللي عليها صعدنا
ولا ربح من باعها ما شراها

يا عزّنا من عزها.. يا سعدنا
هي ظلنا واحنا نعيش ابذراها

نلهي ولا ندري عن اللي رصدنا
ونروح ونسافر وننسى عطاها

هي أَرضنا واحنا لها انوجدنا
والشكر لله ضدنا.. ما وطاها

يا أهل الكويت بطيبكم كم اشدنا
يا جيشنا ياهل الحرس ياحماها

واللي تولّوا أمنها ثم رقدنا
مستامنين وساهرٍ من وراها

تكفون.. ثم تكفون صيروا من ادنا
حرّاسها.. والموت للي جفاها

من حلّ فيها ضيفنا حاز ودنا
اللي سكنها ما يكدّر صفاها

يا الله يامن هو عليه اعتمدنا
يا منتهى كل النفوس ابرجاها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر