القلب يشكي فراق الصاحب الغالي
اللي له القلب ذايبتاً شرايينه
ياويل قلبي عليه ويا بري حالي
ويا شين فرقا وليف الروح يا شينه
في غيبته ما سليت ولاني بسالي
القلب وشلون يسلى عن محبينه
مغير اهوجس وكن الموت يبرالي
وراجع اللي مضى ما بيني وبينه
وأفز من مرقدي لامن تهيالي
صورة حبيباً تعيد العمر لسنينه
اذكر سوالفه و مزوحه وتحلالي
وياحلو مزحه وياحلوه ويازينه
حلو المبيسم وريقه بالعسل حالي
والوجه بدراً ويذبح في حور عينه
ولا سلهمت رمشها سهماً وقتالي
ونحمل صوابه ولا نلقى مداوينه
ما غيره احداً يجي ويروح في بالي
وحتى لونه نسى منا بنا سينه
يبقى له القلب طول العمر منزالي
ولو باعنا بالجفى بالود شارينه
ارجيه من مدةً والبعد به طالي
والصبر والبعد ما حنا بقاوينه
أتعبت رجلي معه وتعبة مرسالي
وزوداً على البعد غير في عناوينه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.