شرهات

لـ فهد الميموني، ، في غير مُحدد

شرهات - فهد الميموني

يا صاحبي لو هي على باب شرهات
ما تلحق الشرهه سوا الطيبيني

وان كانها من باب فزعه وصملات
انا اشهد انك يا السنافي يميني

لا يلحقك في تالي الوقت شكات
قدرك هنا ما بين قلبي وعيني

انتا سنام المجد فخر المروات
عطيب كف ولا يجي منك شيني

ياما رقيت العاليات الطويلات
وياما فعلت الطيب في كل حيني

وياما جمعت اللى لجو فيك بشتات
وتعز شان اللى لفو محتميني

من دورت الايام وسهوم الاوقات
حدتهم الدنيا على كل بيني

ماني مكمل والقصيدة على ات
لن المدح في حضرتك يهتويني

ياشوق من تسوا بنات الخوجات
اللى على الناموس دايم تعيني

ويكفي قصيدي لانكتب فيك بالذات
اشم في ريحه شذا الياسميني

© 2024 - موقع الشعر