لا ضاقت الدنيا

لا ضاقت الدنيا ولا خاطري ضاق
مثلك يروح ولا نشدناه وينه

هذا الهواء دايم تلاقيبه فراق
معروف من مر الزمن حافظينه

ازعل على اللي لا نصيته ومشتاق
يرف من زود الولع حاجبينه

حسبي على جور الزمن كيف ينطاق
وشلون ابصبر دون لا شوف عينه

في عينها ليلا(ن) وفالخدر براق
والوجه ينور والمزايا حسينه

دمعة قهر طاحت على بيض الوراق
من حرها صدري توحا حنينه

يالله يا معبود لا تكتب فراق
لني عليه احن من والدينه