اما يشرح الرجال ظرفه على رجال

لـ ، ، في غير مُحدد، آخر تحديث :

قذاني الزمان الشين في الحل والترحال
هداياه ضيق البال والحزن مصروفه

اذا مد مد الهم والغم والغربال
ونا ضيقتي في الصدر بالصبر مكتوفه

اداري شموخي من غثى الشامت الدجال
راعي هرجةٍ بالشر والمكر محفوفه

خبث العمل ماهوب للناس طيب فال
وعيونه عن الزلات ماهيب مكفوفه

كذوبٍ لمنه سمع هرجك يزيد هبال
وهو مخفيٍ الحقد والشر في جوفه

لمنه حداني الوقت والظرف غث البال
وسحاب الوهم بالهم غرقني قنوفه

طلبت الولي المعبود يارب سد الحال
وعسى حاجتي للاش ماهيب مكشوفه

وتذكرت بيتٍ لبن جدلان يومه قال
(العربان للعربان ماهيب مكلوفه)

(أما يشرح الرجال ظرفه على رجال
ولا يسكت الرجال لا يشرح ظروفه)


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر