سبايب التدخين

ليت المدخن يوم ولع زقارة
شاف الذي صابه مرض قلب ثم مات

ناس (ن) دفناهم ولا هي بشارة
سبايب التدخين صاروا وفيات

أبنصحه عقب العصر بالزيارة
على عيادة قلب ويشوف حالات

حالات توجع قلب من به جسارة
من هول ما فيهم دموعه غزيرات

احدن غدى وجهه كثير الحرارة
سبة كيماوي يحرق الوجه بآلات

طاح الشنب والشعر لا وخسارة
والحزن والله بالمرض كان ما فات

واحدن جهاز القلب يعطيه شارة
على سريره ينظر وفيه حسرات

ما له سوى دمعه بتالي نهاره
لا قفوا الزوار عقب الزيارات

يا ليتهم خافوا من الله وناره
اللي نهى عن تهلكة نفس بآيات