السوق. لـ عبدالله العاطفي

السوق - عبدالله العاطفي

عينت لي عذرى عليها مواري
راعى الهوى يشعاه براق وسمي

قالت وش اسمك قلت ماني بداري
من بعد شفت الموت مادري وش اسمي

تكفون ودوني لقسم الطواري
احس مثل البنج في وسط جسمي

ضاعت هواجيسي وكل الطواري
من شفت سودٍترسم الموت رسمي

كنها عيون الي يصيد الحباري
الي يحسم الموقف الصعب حسمي

جينا بسوقٍ فيه بايع وشاري
من قسمها الفراح والهم قسمي

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.