خليلي .. حبيبي .. سيـّـدي

ليَ الفخْر لا قالو خِلِق فامّة الإسلام
نبيّ الهدى والحق .. انا افداه في حالي

"محمّد" رسول الله .. عليه الصلاة خْتام
على كلّ شيّ ٍ ينكتب والا ّ ينقالي

على سنّته تبدا الشريعات والأحكام
دروبه تنجّينا عن دْروب الاهوالي

"محمّد" عظيم الخَلق والخُلق ما ينضام
مزكّيه ربّ ٍ عالم ٍ كل الاحوالي..

خليلي .. حبيبي .. سيّدي المصطفى المقدام
انا افداه في نفسي وفاهلي وفي مالي..!

حكيم ٍ .. حليم ٍ فامّته .. عدله اللي تام
رحيم ٍ .. لطيف ٍ .. شفّعه ربّي الوالي

عطاه الله المعبود هدْي ٍ وشرع ٍ دام
وسخّر له الله معجزات ٍ ما تنطالي

بِيَدْه الكريمه يشّر وْ تسقط الأصنام
الا ليت من قبّل يد المصطفى الغالي

يحنّ الخفوق لْشوفته حين صلّى وْ صام
الا يا إلهي ارتجي لطفك بْحالي

شفيعي "محمّد" والعفو منْك لي .. ما دام
انا عبدك اللي ذلّ طينه ولا اختالي ..!