أهداء للأخ ضاوي بن مسعود العازمي ( أبو علي )

طيب ابن مسعود يومني نخيته
ماتعذر يا سند ذيب العيالي

قالي ممنون .. واركبني ونيته
الخوي لرضاه .. يرخص كل غالي

طيبن والطيب في ضاوي لقيته
جعل يفلح بالعيال وبالحلالي

الردي يابو علي ماذكر صيته
لو بغا الاول يعود لتوالي

مثل ضاوي يا جماعه مالقيته
كاملن والكامل الله بالكمالي

قاليلي مكفول .. صحه ماشريته
كل ماتحتاج يدفع من حلالي

موتري ممتاز من صنفه نقيته
حافظه للبعد مع جرد السهالي

أحمد الله يوم وجهك ماكويته
أطلب الله بالشفا منشي الخيالي