ثـلاث سـنـيـن

ويسكني الحزن كم حول ..( ثلاث سنين) أو أقدم
تلاشت من قواميسي .. معاني البهجه والأفراح

ولاعاد الذي باقي..سوى في خافقي..(مأتم)
تونّ جراحي وآلامي..وتحضن بعضها..بصياح

خيالك..مرّني وسلّم..؟؟او انه..مر ولا سلّم؟!
اهو نفس الخيال يمر..و(ي ن ث ر) عطره الفواح

مدامك عشقي الأوحد .. وانت لشعري الملهم
وش اللي يجبرك تقفل فؤادي وترمي المفتاح؟!

أمانه .. لو رحلت.. الكون..أنواره بدت تظلم
أمانه من ينيره؟لو طفى في ليلي ..( المصباح)؟!

أنا بعدك..منو بيعطف علي لو أشكي وأتألم؟
ومن يمسح دمع عيني..اذا جا الهم بي يجتاح؟

لعينك..يابعد عيني..شفاه القلب..تتبسّم
وكل الناس شافتّك..في ناظر..( دمعي الفضّاح)

( ثلاث سنين ) والفرقا..وحوشٍ جات تتهجم
تخلّف من مخالبها..(ألم..متخالطٍ بجراح)

دخيل المارد الواقف على ظرفي وسنيني..(هم)
يجمّع كل ساحاته..ويبعد//يهجر//وينزاح

أنا ماجيت لك أنوي أثرثرلك وأتكلم
ولاجيت أستلذ تحنان..(يارزّاق يافتّاح)

أنا جيتك..بشعري وشاعريه تسري وسط الدم
أنا جيت..أسحب همومي..(قوافل)..صوبك وارتاح

أنا_ياسيّدي_أطمح .. دقيقه .. في سماك ألتم
ترى هل تسمح أركانك..أكون بعالمك سوّاح؟!