نوت بالشر

لـ مشعان الرخيمي، ، بواسطة سماهر، في غير مُحدد

نوت بالشر - مشعان الرخيمي

يمينك قد نوت بالشر ولكن خنجرك عيه
غريبه كيف يرحمني جماد وانت ماترحم

تفجر الف صوت غاضب من نيتك فيه
نويت اجرحك لكن طفيت وقلت لك:تسلم

وفيه هالحناجر تدفن اصواتي وهي حيه
ويبقى صمتي الصارخ يزلزل كل من به صم

نسيت الوقت يومنه نوى لك واله بالكيه
تجيني محترق صدرك تصيح الاه تتألم

واقوم لصيحتك فازع:افا خل الجمر ليه
فمان الثلج رح لا تلتفت يمي ولا تهتم

عيونك ذنبها اكبر من اني اقبل الديه
ولوهي غيمتين من الندامه ينزفون الدم

ابرحل للرحيل وبتركك في حزنك اهنيه
ترى ماهي بسيطه من سواتك ينطق الابكم

وقبل مارحل ابنزع هالوفا والطخ ايديه
ياكيف ابقى بريء فهالزمن من دون لا اجرم

بخون الذاكره..وشلون ابي قصتك منسيه
مدامك فالخيانه مدرسه منك ابتعلم

© 2024 - موقع الشعر