سيدي

لـ مشعان الرخيمي، ، بواسطة سماهر، في غير مُحدد

سيدي - مشعان الرخيمي

سيدي يومن صحى حلمي علامي ما صحيت
ذا سؤالي والمصيبه مابي اسمع له جواب

خايف اني لا سمعته مت من كلمة يا ليت
وخايف اني لا سمعته طحت من عين الصواب

ليلة وداعك غريبه لاحزنت ولا بكيت
اذكر اني كنت لاهي ماني بيم الغياب

كنت افكر ويش اقول لهالحنايا واستحيت
ابدي العذر وقنعت ان مابه الا الأغتراب

ورحت في صمتي اسولف ليه رحت او ليه جيت
اركض لموعد جفانا واتهيّا للذهاب

ادري الدنيا غدت بك وادري اني ما قويت
الظما عقبك ذبحني والبقا براس السراب

© 2024 - موقع الشعر