إيمان حجو

وقدةٍ وسط الحشا زود وقدها
ونتينٍ كل ما هانت تزيد

وحرقة بالكبد ماظني بردها
ما بردها الماء ولو يشرب جميد

وحسرة بالقلب يامرسى وتدها
لو تبيد الروح ما والله تبيد

إزفر الحسرات يا صدري وعدها
كرر الزفرات أنفخها وزيد

لا تقول العين وش طول سهدها؟؟؟
الجروح الأوله جاها جديد

ما شحني حب "ليلى" أو وددها
ولا طرى لي منك طاري يا "دعيد"

صورة ل"إيمان" تكفيني وحدها
ليتني ما شفتها وسط البريد

جعل عينٍ ما بكت يبطي رمدها
لين تذرف دمعها دم وصديد

طفلة يا ناس ترقد في مهدها
دولة الإرهاب خلتها حصيد

لعنبوكم يا عرب محدٍ نجدها
وأسفاااا والله يالمجد التليد

لعنبوكم ماحدٍٍ منكم فقدها
لعنبوكم مابكم رجل رشيد

دولة إسرائيل يامكبر حقدها
ما سلم من حقدها حتى الوليد

دولة الطاغوت زادت في فسدهه
اذبحونا من وريد اليا وريد

ما خبرناها قد وفّت وعدها
غدرها معروف من وقتٍ بعيد

من يهش الكلب لأستثعل أسدها؟
عزتا للحر اذا ساد العبيد

نشرت بتاريخ 21-02-2005