في مقام العز

وش قصرك من العلاوانت لك سيف شطير؟؟ لا عذرك الله ولا الناس ..حتي تعتليه!!!
ويش عذرك وانت تسمع اسدها والزئير؟؟ لا تراجع....... إثبت وثبت اللي تدعيه

ما يقيم الحربالضيم والذل الحقير ولا جلس في منزل الذل بأحسبها عليه
في مقام العز ساعه ولو وضعك خطير خير من دهر تعيشه وتشكي الذل فيه

إصرخ بوجه المنيه وطيرها تطير
:"دوك عمري يا منيه بحوضك ورديه"

ومن بلاك بشر فإنصه بشر مستطير
ومن نصاك بخير رحب وعطه اللي يبيه

ودون عرضك إرخص الروح فاليوم الشرير
ما يباع المجد بالرخص ياللي تشتريه

وعيشتك بأرض خلا لا فراش ولا سرير
خير من حاجتك للنذل واللي يقتديه

والكفوء لامن تمدح وله فعل شهير
ما عليه من الملامه بقول يدعيه

والسعيد اللي ليا مات ختمله بخير
في جنان الخلد خلد علي ما يشتهيه

حيها بشرى وحي المبشر والبشير
يا عنود الشعر ماري بفنك وارفعيه

ولا رفعتي الشعر والشعر له قدر كبير
إفتحي في خافقه باب لك ثم أدخليه

الرغا للحشو ولا الجمل يهدر هدير
والجمل لاهاج فأخذي النصيحه جنبيه

قلتها والقاف جاني خضوع مستخير
ما عسفته غير هو منعسف للي أبيه

ولو نظير الشعر محزون رده للخبير
أمسح دموعه بكفي وأكحل ناظريه