(ناسيته)

لـ نوض السعودية، ، بواسطة سماهر، في غير مُحدد

(ناسيته) - نوض السعودية

ياقلب لا تتعب احوالك وتتعبني
خل التعب يوم انا قبلك مخليته

الهم ماعاد يبغيني ويطلبني
شفني من العام مهملته وناسيته

قلبي مع الي من العربان ناهبني
وانا من اشواق قلبي بالغلا جيته

ماهو مثل غيره امن الخلق يغضبني
أغليت كل المزايا فيه واغليته

يربكني ابصوته وقصر الغلا مبني
بالعين زوله وفي وسط الحشا بيته

*******
صوتك يميّز غلاك ونبرة احساسك

وشلون لو قلت لك والله تربكني
ياجعلي افداك من رجليك لي راسك

ماكنّك الا على وصلك مكوّكني
رسمت خطة محبتنا بكراسك

ألعام ماطلتني واليوم مالكني
*******

اي والله اني احبك والمحبه عذاب
لازلت في صدق حبي لك ودوّامتك ..

الشعر صادق وسجلته لعينك كتاب
ياجعل يفداك من رجلك الى هامتك ..

*******
اقسم برب اللي خلقني وسوّاك

ماغبت عن بالي لو انه دقايق ..
اذكرك واذكر كل الايام وياك

وانا على ذكراك صنت الوثايق ..
© 2024 - موقع الشعر