( شاعرات المكاييج )

ياشاعرات الصحافه والمكاييج
دمرتوا الشعر واحساسي يصيحه

غمازه ولبس وعيونٍ ٍ مداعيج
ماتتركون الصحافه مستريحه

ياحبكن للأضائه وال لجاليج
اسلوب فنّان بإشعال القديحه

وسياره اسبور .. والجوال (إن قيج)
واتدورون الجرايد والمديحه

هذي على قرمزي وهذي على بيج
وقلوبكن سود ووجيهن قبيحه

الوضع ماعاد يسمح زود تهريج
خذو النصيحه من الناس الصريحه

اليا تذمرت زاد الوضع تأجيج
نعالج الجرح ونغط الفضيحه

للشعر هيبه وبحروفه مخاريج
احساس مرهف ليا ثار القريحه

وانا ليا ضقت سجيت السواهيج
مشيت حسب المبادي والنصيحه

ضاقت عليّ المعاني والمناهيج
والهم يالله عن قلبي تزيحه

ولاصار في شكوتي لله تفريج
يالله تجبر عزى الشعر وتبيحه