الدمع

لو جمعت الشوق في لحظة لقاك
مايساوي شوق هالكون الكبير

من غرامك ضعت في لذت هواك
ودّي ابقى معك لو عمري قصير

قلبي اللي يذكرك ماقد نساك
وخاطري من سبة الفرقا كسير

لو طلبت العمر فدوه قلت جاك
دآم لك قلبن على قلبي أمير

مآحدن بالكون يستاهل غلاك
أنت في قلبي ولا غيرك خشير

ومآحدن يقدر على قلبي سوآك
أنت أول حب يالحب الأخير

ياعسى قلبي وروحي من فداك
ياغلا نفسي بهالوضع الخطير

ليت باق العمر آعيشه معآك
دآو جرحي وإمسح الدمع الغزير

ياحبيب الروح قلبي ماعصاك
لو طلبت الصعب مع حبّك يصير

أفرح بلقياك وأتمنى ندآك
وأعشقك وأهوآك وأحبك وأغير

ياعزيز النفس عالي مستوآك
أنت غير وباقي العشآق غير