ابشري

الكلمه اللي كدّرت صدري وزادت حيرتي
قال (ابشري) روحي وانا ببعد وبنسى ما مضى

ياللعجب وشلون ينساني وينسا سيرتي؟!!؟
وانا بعد وشلون ابتحمّل على جمر الغضى

كل المشاكل واضحه وادري سببها طيرتي
وشلون ابصبر دام صبري في شراييني قضى ؟!؟

قلّي انا وشلون ابتحمّل واهدّي غيرتي؟
مآدام حبّك يسبر اعضاء الجسم ..عضا عضا

ضاقت بي الدنيا وضاقت بي ضواحي ديرتي
مالي جدا ياكود اعيش بهاجسي وسط الفضى

زادت همومي بالحشا لين اصبحت عشيرتي
حاولت الدّ القلب عنّك بس قلبي مارضا