باقي

انا على كلمتي تمّمت ميثاقي
ولاّ انت ماتعرف الحب ومواثيقه ..

والله لو كان في صدرك غلا باقي
ماكان حطمت قلبي في معاليقه ..

ياما مشيت الدروب وماتعب ساقي
وياما خفوقي خذا بالشوق تحليقه ..

وياما مشيت وسعيت بدربك الشاقي
صبرت والحب من ربي توافيقه ..

وياما عطيتك وفا من داخل اعماقي
وحققت لك شي ياما صعب تحقيقه ..

وياما كتبتك قصيد بشعري الراقي
والناس قامت تغنى في طواريقه ..

وإن جيتك اقول عطني باقي اوراقي
اعرف ترى الوضع هذا اليوم ماطيقه ..

ذوق الهجر لأجل تعرف طيبة أخلاقي
واصبر على الصد حتى تعرف الضيقه ..

وانا بصارع حشاي وبقتل اشواقي
لو كان قلبي من اشواقه يبس ريقه ..