.. ( أمل ) ..

لا ناقص ٍ حبك ولا زايده شي
مثل البحر ما امرابه النقص والزود

مافيه ميت حب حبي ولا حي
ماصار فالماضي ولا قيل موجود

حبك ورى شريان قلبي لجى في
لك موقع ٍ فأقصى المعاليق ملحود

يا امل ترى كل الغلا لاقسى سي
وانتم غلاكم داعبت ناره النود

اليا التفتّ من الغزيل طرى لي
جمال جيد الريم وعيونه السود

ياعود زملوق ٍ على جاري الفي
ارضه طعوم وجاري السيل قرهود

ياظبيّ حبك بيح السد ياظبي
مثل الوتر من دقته بيّح العود

اشتاقلك لاغبت عن شوفي شويّ
شوق بدوي ٍ فاقد ٍ غالي الذود

خليتني لاذي ولا ذي ولاذي
غلاك خلى ابوك لاغبت مشدود