الا ليتي غشيمٍ بالقرايه
وسالي خاطري مالي هوايه
ولا أعرف الشعرهزله وجزله
ولا في خافقي للعشق رايه
ياليت الحب قلبي ماخفقله
ياليتي عنه مصروف نحايه
ولكن لوبكلمه ليت جدوى
صفى معي الزمان من البدايه
أنا اللي ضاع بالحرمان عمري
انا اللي في ظلام الياس تايه
انا اللي شلت من ظيم الليالي
حمولٍ ما تحملها سوايه
كتبت بدمعتي قصة عذابي
وقريت اللي كتبته من عنايه
وصفقت بكفي اليسرى يميني
وصار الدمع والونه جدايه
على الغصن الرطيب الورق غنى
وأنا ونيت من قلة عزايه
فلا ..الونه ولا الدمعات تجدي
ولاشعري يخفف من أسايه
دخيلك ياعذولي لا تكمل
سمعت وشفت ما فيه الكفايه
لون إالي جرحني مادرى بي
انا أعرف الرشاد من الغوايه
ولكن ما عن المكتوب صده
أنا اللي جاء بلايه من دوايه
أكفكف عبرتي واقول ليتي
غشيمٍ بالكتابه والقرايه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.