بيوت العنكبوت

صارت حيات اللي حزين مثل بيوت العنكبوت
لوهبّت رياح الهبوب .. فجئه تلاقيها سراب ..!!

زود الألم في داخلي هويت أنا طرف السكوت
ما غير في جنح الظلام أعوي كما عوي الذياب .؟

ياصاحبي أروي غصن حبك قبل فيني يموت
يكفي تعذّبني وانا من راسي لي رجلي عذاب

هذا جزاي إني أبيك .. ودك على شانك أموت
حرام ياعمري حرام .. تنثر على حبي التراب ؟

ياالله يللي برحمتك يونس سلم في بطن حوت
شاهين جالك يشتكي .. مجروح ياربي ,, مصاب ؟

مليت أنا جرح الزمن في صرختي ماباقي صوت
كل شي تلاشى بدنيتي .. عايش حياتي بكتئاب ؟

ياالله ترحم حالتي .. قبل العمر مني يفوت
شاب الشعر من حسرتي .. والعمر في عز الشباب ؟!

عاش الحزن في داخلي كلي ألم والهم قوت
في غربتي عايش وحيد .. وأحلام عمري لي سراب !!