ان فى الشعر لحكمه

ان فى الشعر لحكمه طالما عالج قضيه
ان فخرنا وان وصفنا وان مدحنا وان هجانا

ليت شعري كم كتبنا من قصايد عاطفيه
والهوى ماهو هوانا لو نقول انه هوانا

امة الاسلام تطحنها الحروب الماسويه
يا الله انك لاتخيبنا ولا تقطع رجانا

والعرب مايضحكون الا على شر البليه
مير صارت تضحك العالم علينا من بلانا

سوبر ستاروخراب ديار وامورٍ خفيه
انتعولم فى زمان العولمه لين انعمانا

حاضر الاسلام تبكيه الحروف الابجديه
من تفرقناولوعتنا وحسرتنا واسانا

مارضينا بالهوان ولا رضينا بالخطيه
والا قولوا يجبر الله فى كرامتنا عزانا

كلنا حسان ابن ثابت ثبات وشاعريه
كلنا سيف الله المسلول لاكثروا عدانا

اللهم صلي وسلم على خير البريه
ا لرسول اللي دعانا للهدايه واهتدانا

حى ذكره كل ماعطر به الانفاس حيه
من حديث الى حديث من الرواه ولا ارتوانا

الامين الصادق المصدوق والنفس الزكيه
ليش مانغضب على شانه وهوغاية رضانا

عرضي ومالي وروحي من فداه ووالديًه
ننصره ونذود عن عرضه وترخص له دمانا

ماخلق زيه ولن يخلق ليوم البعث زيه
خُلقه القران قدوتنا بغيره ماقتدانا

سيرته فى قلوبنا عطره وفى الافعال حيه
له محبتنا وله منا الغلا وله وفانا

يادعاة العهر واهل الكفر حملتكم غبيه
مكرمٍ ربي محمد عنكم وتكرم لحانا

من قذارتكم حضارتكم مجون وعنصريه
يابشر قبل القشر ولًوا وحلًوا عن سمانا

حسبنا الله يخزي الظالم ولو يزداد غيًه
من شرور الحاقدين الحاسدين الله كفانا

قال حرية صحافه قال!! هاذي عنجهيه
مابحثت (الهولوكست) ولا كتبت ولا قرانا

ينصر الله دينه وقرانه وينصر نبيه
صفنا واحد بعون الله ولا تشقر عصانا

اللهم صلي وسلم على خير البريه
الرسول اللي دعانا للهدايه واهتدانا