موت الجود

يقولون مات العود واقول مات الجود
وياكبر حظ الموت والجود بحلاله

اي والله مصيبتنا كبيره بفقد العود
نعزى قبيله فيه ونعزى عياله

على شبته مرت ثمانين عام وزود
ودعاج بن موهف وكثر الصخا حاله

هذا اللي على جوده جميع الرجال شهود
وتشهد له صحونه وتشهد له دلاله

هذا اللي على بيته تشوف الضيوف اوفود
هذا اللي خلقه وهو تكرم سباله

هذا اللي مثل هداج تيما تجيه اورود
مقر المكارم كلها كاسب الطاله

هذا اللي فتح بابه وباب الردى مسدود
صحيح الكريم معان لو ماكثر ماله

هذا اللي ماحام العيب حوله ولا المنقود
وفا والوفا طبعه وربعه تعناله

هذا اللي لوانه غاب ذكره بقا محمود
هذا اللي كسب والنعم والنعم تزهاله

ولا للبنادم درب عن عمره المحدود
ولكن عسى فى جنة الخلد منزاله

مانقدر نوخر يوم عن يومه الموعود
ياربي تروف بعبدك اللي دعيناله

طلبناك غفرانك ورحمتك يامعبود
واقه من عذاب النار والقبر واهواله

اي والله فجيعتنا كبيره بموت العود
ولكن عسى الله يطرح الخير بعياله