كفو ياراعي الأولى ..سخي الكف..مقر الجود
كفواربع طعش مليون مره من وراطيبه
تو اللحين زان البال فينا هبهبي يالنود
لفنجال العتيبي بالنقا هبي بترحيبه
خذاها صقر برقابالمزاين قدها وقدود
بشامخةٍيماري بزينها ماخالطه عيبه
هذيك اللي تبختر بالحلاماكنها من ذود
بخطواتٍ ملاها الله بحسن وشكلٍ وهيبه
تمخطر شامخه بالعز تقبل بالغلا وتعود
هذيك لحالها بالذود هي إسطورة عتيبه
لقرمٍ تتعب الدنيا ولاتحريبه لمنقود
ندي الكف بالمعروف وإلا الطيب ظاريبه
لحاله باذلٍ طيبه ورا عزمه مع المجهود
الين إنه كسب كلمة (نعم يالقرم)في جيبه
يابرقا تعشب أرضك لاوطاها القرم ولدالعود
هذاك إن مر بأرضٍ وأنت ماشفته بتدري به
كأن الأرض من خطوته رويانه بدهن العود
وكأن العز متسمي على إسمه يوم يطريبه
كفو ياراعي الأولى ندي الكف مقر الجود
كفو اربع طعش مليون مره من ورا طيبه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين