أشتهي هرجتك من بدة النـاس - عيد بن سمير

أشتهي هرجتك من بدة الناس شهوه
والهبوب من اتجاهك على القلب تهوي

وشوفتك من بد كل الملا فيهازهوه
لاتلوم اللي معك بالسواليف يغوي

وغلطته غصب عليه حصلت وانت دعوه
ومعك وصل ليا آخر الطب وشفاه الكوي

ماتطب بيوت رب جنازه لخلوه
واعتبر من دونها بالعرب سد علوي

اطلب اللي تطلبه بس ابي منك لهوه
لو تبي سماك هذي وهذي مستوي

اشجع الفرسان مايعتلي كل صهوه
والمحبه جمرها يشوي العاشق شوي

كفي الأيمن تمسك بفنجال قهوه
وكفي الأيسر بليل (ن) رفض كل الحوي

شوفتك للعين مثل المرايه بصحوه
لو اناظربك سدا نون عيني ماروي

كلمة السر القتيل اثرت فيه بوه
لابغيت اقولها لك تقل معيه خوي

© 2022 - موقع الشعر