تذكـر يا النــاسي - احمد المنصوري

تذكر ان كان لك انسان يغليك
كان يحبك موت وبحبه يصونك

كنت حبيبه وبعد عمره مسميك
مافكر في يوم يهجرك او يخونك

ان شافك حزين قال وش فيك
مايطيق يشوف الحزن ظاهر بعيونك

وسط فؤاده محطيك ومخليك
قلبه وروحه ينادونك بالحيل يبونك

ليش تنساه وش الي فيه نسيك
قلت لك العذال بكلامهم لا يغرونك

لقيت غيره وبحبه يمكن مسليك
باكر لاتندم لو بالرخيص يبيعونك

سالت صاحبك وش رايه فيك
قال عسى بس صدق يحبونك

وعسى ذكراهم بالليل ماتبكيك
ليتهم صدق مايكذبون ويغدرونك

قالي كلام وبالقوافي بعطيك
ابيك تفهمني وظنك مايخونك

تخيل صوت صدى مغليك
وهو بقربك ويهمس في اذونك

يقول لك انا اليوم ناسيك
وبدعي على الي حبيتهم يخونونك

خل صدى صوتي يسليك
خله يتردد في الليالي السود باذونك

عساه يجي يوم وفيه يجفيك
وبتتذكر ان كان لك ناس صدق يحبونك

على العين والراس محطيك
لكن ماتستاهل من يحبك ومن يصونك

© 2024 - موقع الشعر