شي عادي

انا لوصرت بعيونك0 بقيايا من الزمن تذكار
تأكد انه بعيوني0وجودك صار شي عادي

رسمت بداخلي صوره تحجم لهفة الانظار
اشوفك بين حين وحين وصلت لخارج حيادي

من اول كان لك فيني حضور وصوت إستمرار
تخيل0 كنت فيني إحساس يهيم بكامل ودادي

وشُوف اليوم وين انته وصلت لإخر المشوار
نقشت بخطك المظلم رتوش وكانت إبعادي

صحيح اني عطيتك قلب عطوف وطيب الاطوار
يفز ولاسمع طرياك كأنه بفرحته شادي

ومع هذا شموخه كان يجاري نبضته إكبار
ومهما اعطيت من ودي وجودي ابلغ مرادي

انا إن جيت بحسبها لقيتك من وفاي اصفار
لقيت انك وصلت تكون0بعيد ومالك منادي

حضوري وبل لغصونك يشع برايع الازهار
مثل ديمٍ يعم الارض يزين بوقعه الوادي

نسايم عذبها ضافي0هبوبٍ بردها إبهار
سواقي نبعها صافي تجم بعذبها النادي

لاثار الصمت من طبعه يثور بشدة الاعصار
تشوف السيل لاعَرّم يشابه ثورة عنادي

يميل بموجته ياخذ غصونٍ مالها اجذار
يضيع بغزره الطامي غرورٍ كان متمادي

أنا من طبعي الامثل ماكون برفقة الانكار
كبير ورفقتي تشرى يعيش العز بسيادي

من الله دائماً بالحق ينير بداحلي إصرار
يرتب كل مافيني يكون الضئ بعدادي

يشع بضيه المشرق يزيد بوافي الانوار
يلامس نورها فكري0يعانق رتمه الهادي

حروفٍ صغتها جمله حقايق مابها إكثار
يموت الذل مايوصل0لركبٍ فوقه شدادي