ليه الجفا

ليه الجفا ياخاين العهد ياأنت
ليه التغلي يوم قلبي صفابك

ماخذت قلبي زين لكن هيمنت
ثمن مشيت وعشت انا في سرابك

لاهنت ياحبن قضيناه لاهنت
لكن شعري صادقن يوم عابك

اول الى منا قعدنا وعينت
عينت خير بشوفتك وانجذابك

واليوم بابي منفتح بس مابنت
الين جيت وشفت مصكوك بابك

مدري قسا مني او اني تلينت
خليت قلبي بين ضرسك ونابك

لكن انا الغلطان وانا اللي خونت
وانا الذي ضريت حضرت جنابك

ادري انا الغلطان يومن انا صنت
وادري رجوعك ما ترجى ذهابك