لاوالله إلا الطير قفى هداده
ولا ينقل قدام حسبة عبوره
الا اليا هب النسيم ابراده
والوسم دش وراح وقت الحروره
يابوسعد هذاك وقته وعاده
الله يلحقنا على خير دوره
دور له الصقار ينقل مراده
وينادهه عند احتراه النقوره
وقتٍ به الطاروح ينقل مهاده
راع الولع طيره يبدل سيوره
يابو سعد شوف الفياح وحماده
اخير عندي من مساكن قصوره
اليا صرت مع الطلق والسعاه
خطو أبيض مافي شليله حموره
أبيض وفيه إلطير فارس شهاده
ريشه حمامه بر منه مخشوره
أبيض جليل وفيه وصفٍ زياده
منكب وعين وطول ياوي جوره
مسرول وجبال فارس بلاده
منهن معابيره وهو من طيوره
أفجح جليل وكل خرب عفاده
وانخشيت له ماتطيرا معثوره
إن كان طارت وارتكت بالشراده
ظف المناكب بالطيارا مخطوره
ياحبني له في ليالي هداده
الياصرت في خدٍ تطارد زهوره
خرفيةٍ ومبكر الوسم زاده
مطغيه من دلو الأحيمر بكوره
إلياشاف فيه الطير منوة فؤاده
تل السبوق وراح مخل شعوره
دكن بحرف قاضبات إحداده
تعاشرن له يوم شافاً حظوره
جاهٍ مجي منه جتهن قراده
لعبهن واقفت عليهن دبوره
خلا غلبهن كالغدير إطراده
حاموا عليهن فزعتن ماتعوره
ربع الياقفي المصودع نفاده
يعجبك واحدهم برميه احكوره
فيهن عن الدرب الرزيل ابتعاده
خويهم دايم فراحٍ سروره
تمت بذكر الله على كل راده
عداد مابين مع الصبح نوره
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.