لاوالله إلاّ راح وقت القرانيس
وتنسمت عقب البراد الهيافي
صارت على ماقال حر و شواميس
وخضر الفياض ميبستها السَّوافي
أقفى ثراهن والحوايف ميابيس
وجا للشتا بالقيض سلم اعترافي
الطير عقب منادهه بالنواميس
جود رباطه وانسجن بالوقافي
أقفى مناه وجاه حل التقرنيس
يرجي مقانيص الشتا بالفيافي
وقته اليا ذعذع براد النسانيس
ياجا الشتاء والقيض راح امتجافي
بتلى عبور مولعات القرانيس
اللي لهن من كل طيرٍ مخافي
ياحلو مطلاعه عليهن مقاويس
في ماقع تزمي رجومه شوافي
خضر فياضه في زهرهن مغاطيس
عقب الوسوم اللي تقفت خرافي
شوفه وشوفتهن تزول الهواجيس
ياحلو قولت شغل الطير شافي
تل ونحرهن وأخمرن له ملاميس
وساقوا وراه إلعجهم إنعصافي
صف ونزل متزهبن للحواسيس
وجوهن يديرونه بحس اختلافي
أحد يقول يمين والسوم برخيس
واحد يقول يسار عنده خلافي
تساهموهن كاسبين النواميس
تسمع لصلفات الذخير إنقصافي
ماطار طاح ورد للقاع قرفيس
تسمع لوقت خلها يالسنافي
ربع مظرينه بقل التفاليس
وهو مظهريهم صدوقٍ ويافي
صادم وفادم مالطمهم عواكيس
ربع لخوتهم مديم امتشافي
محلا سوالفهم قعودٍ مجاليس
في ساقية جوٍ لعشبه حفافي
ريش الحباري فيه مثل القراطيس
من ضرب صلفات الذخيره الخفافي
عقبه حلا فنجال بن المحاميس
مهيل ريحه تبيه الأشافي
سوالف ماقالها النذل والهيس
مثل الغدير اللي على الكبد صافي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.