ليالي التحدي - احمد الجريفاني

ودي لو انه طاوع الوقت ودي
عنيت لم اللي عيونه حنونه

لكن زماني قال حدك وحدي
عزيل من مثلي زمانه يخونه

بعيد وآمالي تعنّت بوجدي
اصبر على الغربة واكابدغبونه

امسح دموع الوجد من فوق خدي
اخاف باحلام الكرى تنظرونه

صار القمر مثل المحبين عندي
زود على بعده تحدى سكونه

اصبح غريب صامت مايرّدي
حالت غيوم الياس دوني ودونه

يانور عيني لو تحسن وجدي
على الأقل اخباركم ترسلونه

ودّي على بعض المراسيل ودّي
لاتتركين الروح تكثر شجونه

كثرت مراسيلي وباحت بسدي
انا الذي بالليل تسهر عيونه

اعيش بالغربة ليالي التحدي
والقلب عذبني بكثرة ظنونه

© 2024 - موقع الشعر