اه واقلبي - مطلق الحريجي

اه واقلبي اللي مبعداتًًن سروحه
صار بيني وبينه فزعتن وأجتلادي

كل ماقلت هود جاه شين يشوحه
حاسبن لثريا والثريا بحادي

مادرى انه على ماقيل كسف بروحه
تاه بقران حادي واثر للماء ترادي

وإن نصحناه قال النفس نفسن لحوحه
وان عذلناه مير انه يضيع المنادي

قلبي اللي غدى والنفس قامت تفوحه
صار بيني وبينه والليالي عنادي

مانسى شربت الماء بالكفوف الذبوحه
يوم عينه على حبل الرسن والشدادي

مقتفيه النهار وشربت الماء شحوحه
جعل يسقيك من ياقليب الثنادي

ارتوينا وحركناالشمال بمزوحه
قبل لايقتفي زرع الشعيب الجرادي

ان لمسة الخشم جت الدموع السفوحه
وان نهضنا نعود للجروح الجدادي

وان نظرنا الليالي كل علمن تجوحه
الله اللي عطاها من سواد لسوادي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر