بسم الله ماغيره أبدء بترتيب القيفاني
وأتشرف بالقصيده يوم القيها بين أخواني
أمام الأمير العادل اللي مثله ما يخفاني
أمام الأمير اللي له مجد شديد وعنواني
عنوانه رمز الكرامه حفيد معزي لا هاني
عبدالعزيز أخو نوره يعرف فعله بالميداني
وأبن طلال اللي فعله تشهد به كل العرباني
بأعمال البر اللي سوى خير للقاصي والداني
عسى تطول به سنينه في عز وخير وأماني
آمين وقلها يالسامع من قلب صادق ولساني
يامير الله يعلي شانك شعبك ياتي لك فرحاني
يحمل مشاعر جياشه من طيبك يا طيب العاني
وأنت مثل النهر الجاري يروي منه اللي ضمياني
لأنك من بيت الشهامه هذا بيت لكل داني
وأنتم حكام الجزيرة اهل النخوة واهل العاني
وأنتم ميزان العداله وانتم مزبان للجاني
وانتم عزيتوا دين الله في الماضي وغبر الأزماني
وانتم ينخاكم من جاله هجمت غدر من العدواني
وانت شرفت اسم الدوله شرفك الله بالأيماني
أسمك في كل المعموره ما يخفى معروف وباني
ماشاءالله والله يزيدك خير وعز وأطمئناني
وانت طيب واصلك طيب طيبك من طيب الجداني
ولو امدح منه لي بكره مو في حقك مهما كاني
وأنا جيتك والله أني شاكي لوعة من زماني
جيتك سوات اللي جولك أشتكي لك من دياني
مو هو ديان المنيه سميه ديان (ن) ثاني
يراقبني بأقصى الحاره لين أدخل على ورعاني
ثم علق بوري بالشارع وأزعجني وأزعج جيراني
واليا جيته يمسك جيبي وأنا ما عندي طفراني
أشكي لله ثم أشكي لك من دينن جوره أذاني
وأنا مالي بيت بين ما لي بيت ولا مسكاني
اترك حاره واسكن حاره وانقل عفشي مع غرضاني
الرحاله ابن بطوطه شبيه(ن) لي في ما جاني
والموتر وارد عاراوي رمز دايم للفقراني
تكفى تكفى.تكفى تكفى. تكفى تكفى لاتنساني
الله لا يحرمك الجنة قاله خادمك الشيباني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.