.. في ذمتي ..

لـ صدى بغداد، ، في غير مُحدد

.. في ذمتي .. - صدى بغداد

غالي وهو لي عزوتي وتاج راسي
يا فخريْ بِالله وفخرْ كل العشيره

لي هبّ نسناس العدى والمآسي
هبت خلايق سيفها تستشيره

هوْ مسند المظلوم ردراد قاسي
أفعاله بقول النبي مستنيره

فيه المروة مثل ماي(ن) وكاسي
وآقل صرخه تشحنه وتستثيره

الله فرّق بين ناس(ن) وناسي
فرّق مَبين النبعْ ومابين بيره

فرق شعوري له على كل راسي
نبض الحشا هو حارسي له ينيره

ليمن قريت افكاره بدون وآسي
تلقى خواطر دكها مستعيره

يايعربيْ الجدان يا فخرْ ساسي
ودْ العرب مني تجي تستعيره

ليْ قلب صادق عاشق(ن) بالاساسي
به حافظ(ن) حق الدما والمسيره

لك "بالصدى" احساس مانيبْ ناسي
لك بالغلا شعر(ن) تبنّاك سيره

في مملكةْ حب(ن) ثبوت الرواسي
القصر أنا وانتْ ألي فيها وزيره

مابدلك يا بعدْ كوني وناسي
الاول انته والمحطه الاخيره

جاني أتصالك صرت ازف الامآسي
ولو هوْ تأخر كيف بلقاه خيره !

أبقى انتظر لو صار للوقت فاسي
لانّيْ بهواكم يالغلا مستخيره

لاني أنا ودمك جرينا سواسي
واصبحت لك موطن وبيت(ن) وديره

واصبحت لي يابعدْ حييّ مراسي
لاني معك ماذقت يا خلّ حيره

أعذرني يا كل الشعور الحساسي
إن كنت في حبك تزايدتْ غيره

أحد(ن) يطول الذهب ويطول ماسي
ولا يعوفك أو يبيعك لغيره ؟؟

لبتك فيني كُلّ خمس الحواسي
ماالقى انا مثلك بشبه الجزيرة

يا حامل(ن) مسك(ن) على قلب ياسي
يحفظكْ ربي من نفوس(ن) حسيره

© 2024 - موقع الشعر