الهوى كذاب ..

ياصحيبي قدني عنك الحين حول
وش لك أتنبش قبور المقبره

عارفك لاقلت ماتقدر تنول
الغلا عصفور والوصل اشجره

مات عصفور الغلا والحقه جول
ومابقالك فالوصل اي ثمره

قول ماودك وقول اللي تقول
ماتهز أبخافقي لو شعره

لان مالي فيك شف ولا ميول
أحمد الله وأنحني له وأشكره

اللي مايطول العنب تدري أشيقول
حامض(ن)لأنه ّ بغاه ومقدره

ولا أنا ذقت العنب فأربع فصول
وأجمعه قدام عينك وأنثره

الفحل مايمشي الا مع فحول
والمره ماتمشي الا مع مره

أجحد العشاق والضبي الجفول
لعنبو ليل(ن)شقاوي تسهره

وأنت لامن صار مرماك العذول
"طلقة(ن) ماهي تصيبه تذعره"

اقتباس(ن) ضاف للموضوع زول
مايعيش الرأس من دون انعره

جمع العالم ترى لفهد يقول
من صليب الراس قولن اشكره

الهوى كذاب والعالم خبول
لا جتمع لثنين صارت مصخره