لا تحرم الضامي مـن الشـلاّل - كديميس السيحاني

لا تحرم الضامي من الشلاّل
وراك تمنع عنه شلاّلك

حرام يوم انه وصل للجال
تشح ,تسقي من عطش جالك

يمكن بعذرك لو طلبك المال
لكن ماجاء يطلبك مالك

ويمكن بعذرك لو بنى تمثال
ورسم على اللوحات تمثالك

أن كنت خايف هرجة العذال
حطم من الابداع عذالك

خل الحروف تشيّد الأطلال
ولك من يزور حماك و اطلالك

غن الهزج والا اصدح الموال
اطرب على هزجك وموالك

جاوب صدى واسمع من الاقوال
واجاوبك واسمع من اقوالك

تراني اطرب يوم اشوف ءخيال
وشلون عاد بعيني ءخيالك ؟

ليل السهر له في العيون ءعقال
وشلون يوم توثق ءعقالك

لو قالوا عقول الرجال ءجبال
عجزّت تزلزل عالي ءجبالك

يا مهرجان الشعر كيف الحال
جاوب ليا ناشدك عن حالك

قصيدتي مهره وانا الخيال
هذا وانا ماصرت خيّالك

عطني ضمان العهد ما ابغى ريال
وعهدي جنيه يرجّح ريالك

© 2022 - موقع الشعر