من فيـنا كلامه مجـاملـه ..!! - سالم المناعي

والله ماني فيك شاعر مجامله
فيني كلامٍ لك من شهور حامله

مابي تصدق غصب عن عين رغبتك
بس المشاعر دون تحديد شامله

مابفتخر لو شاعرٍ جاك يفتخر
لا الزود عندي ولا المواصيف كامله

جبت الكلام اللي له القلب يرتجي
وياليت تدري محبتك ويش عامله

ماعرف اجامل ميزة العيب جرأتي
ومافز قلبي لجل غيرك وقام له

من يوم شفتك عانقت عيني السهر
والله وهبني نفس بالخير آمله

تدري ابي قربك ولكنك اجودي
كنك تقلي شوف لك باب عامله

وانا أحب المختصر كيف واختصر
والباب أقرب لي من البيت دام له

والله لجيلك بس خليك مرتقب
وبتشوف من فينا كلامه مجامله

© 2024 - موقع الشعر