طاح الحطب - عادل الزناتي

رغم العتب واللّه ثم واللّه انا جيت مغصووووب
جيتك انا من اقصاااااي انا يالغاليه رغم العتب
 
لا ما نسيت اني حلفت وقلت والله ما أتوووووووب
عن حبك اللي جالس هنيا وقلبي له كنب
 
قولي هلا خلي هلا تجمد على شفااااااك وتذوووووووب
قولي هلا طاح الحطب ؟؟؟ وآقووووول لك طاح الحطب
 
قولي هلاااا واقول لك يالنور يالطهر العذوووووووب
تبّت يدين فراقنا تبّت مع ايد ابو لهب
 
تبّت خطاوي رجلي ان كانت تبي غير الدرووووووب
اللي هنيّا وصلتني جعلها قطع العصب
 
يالغاليه جيتك ووجهي من عنا الفرقاااااا شحووووووب
اقري ملاااااااامح وجهي وتدرين وش معنى: تعب
 
وحطي يدك من فووووق قلب ٍ كيف هو يادووووب دووووووووب
ينبض وخلي نبض قلبك ينعشه قبل العطب
 
وصبي احاسيسك بقلبي والله انه صاااااااار كووووووب
وده بكل قطره من احساسك وأرهقْه الطلب
 
خليه في دنيا الهوى يقدر ليا هبّت هبوووووووب
مثل النخل ياقف ولامن مااال طيّح لك رطب
 
ويالغاليه اذنبت انا وانتي بعد عندك ذنوووووب
يالله نتوب وباب هالتوبه فلا عنْه مْهرب
 
وبلا عتب خلي هلا تجمد على شفاااااااك وتذوووووب
قولي هلا طاح الحطب؟؟؟ وآقوووول لك طاح الحطب

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر