حط الحطب فوق الحطب

لـ ، ، في الانشاد والشيلات، آخر تحديث :

حط الحطب فوق الحطب
واصحى عليه من المطب
يكفينِ ما شفته عذاب
مانيب راجع لنّفود
عيني تراعي مقعَدي
والشبةَ اللي توقَدي
والقهوةَ اللي في ركاب
تصْلى على نارٍ ركود
ياصاحبي مالك مثيل
في هالزمن راح البديل
حبل المودة بَه صعاب
الروح جندٍ من جنود
انت الصحيب اللي يزين
في طلعة البر الحسين
تسمى على كل الصحاب
لقالوا الصحبه سنُود
البر حبي وان نأيت
يبقى على قلبي مبيت
يطغى على مهد اللباب
ظلي بطينه له شهود
ارطى ورمثٍ مع غضاة
رملٍ وقاعٍ مع حصاة
هذي طلاحٍ في شعاب
هذي خزامى مع ورود
في عالي المنشا غيوم
تقبل على فيض وحزوم
تنزل على سهل وهضاب
تلقى مسيله له خدود
وقت الضحى شمسٍ شروق
يخفي سفرها ما يشوق
ما ننتظر منها تغاب
نشدي عصيرٍ مع رفُود
نكسر على لون الغدير
نجلس على ضفة محير
نلقى مناظر تستطاب
ماء القرارة في ركود
يا ماحلا لحن الرياح
يا ماحلا ذاك الضحاح
راح القمر علا وآب
فوق الرمال وبالمهود
اعيش في خايع مريح
النفس له قلب جريح
واريح من همٍ عباب
عتى على قلبٍ ودود

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين