لا سلت منا يا سند نرقا سنود
الحظ وردنا القراح العيلمي
حنا بني هاجر عريبين الجدود
حنا لسلطان العبيدي ننتمي
هواجرٍ نرجع لقحطانٍ وهود
وضياغمٍ سلطان ابونا الضيغمي
وفي المدينه جدنا جاله وجود
مع صفوة الخلق الرسول الهاشمي
وفي الجنوب النا مداهيل وعدود
يومٍ خشم الذيب مدهل ومحمي
والسّيف حطينا على جاله حدود
وارسومه الهيات يوم يرسمي
دارٍ لنا من قبل حكم ابن سعود
من زارنا فيها يرد ويهزمي
حنا ترانا اللي على الزايد نزود
واليا كفرنا كل كافر يسلمي
حنا هل الرده اليا هاب الشرود
واهل الجهام متيهين المجهمي
حنا هل البل من عصر عاد وثمود
واهل المهار اللي نوطيها الرمي
نعن خيل ٍ صفر والقطعان سود
وام حدعشرٍ مشطها فالمحزمي
واهل معاميلٍ وذباحة قعود
وامروبعاتٍ جعلها ما تهدمي
يا ما شعينا من ديار القوم ذود
ويا ما صبغنا العشب الاخضر بالدمي
لازلزل البارود زلزال الرعود
يبيع ذاك اليوم عمره الادمي
ليا عنا المجمول مركوز النهود
واليا عنا اللي للحوير ترزمي
لاجرنا عودٍ يبارز كل عود
ياويل جلد الغفل جاه الميسمي
ماقادنا من خلقة الدنيا معقود
ما قادنا الا كل حرٍ صيرمي
والناس كلٍ دون ميقافه يذود
كلٍ يقول أبغا من النعم سهمي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.