تثير عنادي

عادي وربّك عادي
وصلك وإلاّ الهجر

ما دامك انت البادي
بالزلّه والغدر

دست الخطا بعمادي
وبيّن فيك المكر

ما أباك لي ودّادي
حبّك كلّه كدر

حبّك بليّا جادي
تزعل ثم تعتذر

مرّه تثير عنادي
وتتركني بالقهر

ومرّه تبا لبعادي
ومرّه شوقك جمر

يا كم بدعت أنشادي
فيك وقلت الشعر

وحلمت بك برقادي
وشفتك مثل القمر

عفت الأهل وبلادي
لأجلك بعت العمر

تالي جرحت فوادي
وتعمّدت الكسر

اثرك حليف أوغادي
ما تسوى لو ظفر

طا وعت لي حسّادي
بالشور وبالخبر

لا تظن لك بنقادي
لا لا لا تفتكر

لو قدرك بالعدادي
ما لك عندي قدر

غيّرت أنا معتادي
عن حبّك بالصبر

زيتونةٍ في وادي
شلها طير وعبر

في دبي شفت أعيادي
خمسه حفروا قبر